ՀՈԴՎԱԾՆԵՐԻ ՄՐՑՈՒՅԹ Հնարավորություն Հայաստանի երիտասարդների և ուսանողների համար. 

Հիանալի հնարավորություն Հայաստանի երիտասարդների և ուսանողների համար․

«Ռեստարտ Գյումրի» ՀԿ-ն ՄԵԿՆԱՐԿՈՒՄ Է երկար սպասված Հոդվածների մրցույթը։

Մրցույթին կարող են դիմել բոլոր 16-30 տարեկան այն երիտասարդները (նաև փորձառու լրագրողները), ովքեր հետաքրքրված են հոդվածագրությամբ և հանրային հնչեղություն և կամ կարևորություն ունեցող խնդիրների բարձրաձայնման հարցերով։

Մրցույթի չափանիշներ`

Հոդվածները պետք է լինեն հայերեն լեզվով,

Ներկայացվող հոդվածներում պետք է պահպանված լինեն լրագրողական էթիկայի, հեղինակային իրավունքի և ՀՀ օրենսդրական ակտերով նախատեսված այլ իրավական պահանջները,

Հոդվածները պետք է պարունակեն (մասնագիտական) վերլուծություն,

Պետք է լինեն փաստարկված,

Պետք է ունենան ստեղծագործական և նորարարական մոտեցում,

Պետք է միտված լինեն կրթական, երիտասարդական և հասարակական ոլորտներում դրական փոփոխությունների խթանմանը նպաստելուն.

Հոդվածները պետք է լինեն (բայց չսահմանափակվեն) հետևյալ թեմաներով՝

Լաչինի միջանցք. կյանքի ճանապարհ,

Հայաստան-Ադրբեջան. խաղաղության հեռանկարները,

ՀՀ-ում Բարձրագույն կրթության հիմնախնդիրները,

ՀՀ մարզային բուհերի խնդիրները,

ՀՀ Բարձրագույն կրթության ապագայի հեռանկարները,

Ժողովրդավարության վիճակը ՀՀ մարզային համայնքերում և ՀՀ-ում,

Ժողովրդավարական արժեքները՝ որպես բարձրագույն կրթության հասանելիության նախապայման,

Երիտասարդների և ուսանողների դերը պետության զարգացման և կայացման գործում,

Գյումրու /Ձեր համայնքի/ պատմամշակութային տարածքների և հուշարձանների պահպանման և վերաիմաստավորման հիմնախնդիրները, հնարավորությունները (օրինակներ, ֆոտոպատմություն և այլն),

Գյումրու/Ձեր համայնքի/ տեղական ինքնակառավարման մարմինների կողմից իրականացրած աշխատանքը ընտրություններից հետո,

Ժամանակակից արվեստը և փոփոխվող մշակույթը Հայաստանում,

Ժամանակակից արվեստագետները ՀՀ-ում և աշխարհում,

Կրթության ոլորտին և բարձրագույն կրթությանը առնչվող Ձեր նախընտրած թեման,

Արվեստը հանուն խաղաղության,

Հայ-թուրքական կարգավորման գործընթացը, երիտասարդների աչքերով,

Մարդու իրավունքների պաշտպանության հարցերը Հայաստանում (սեռական, կրոնական, գաղափարական, ազգային փորքրամասնությունների իրավունքները),

Թեմա, որը, ըստ Ձեզ, կարևոր է և արժե բարձրաձայնել։

Լավագույն հոդվածների հեղինակները կստանան հավաստագրեր և նվերներ «Ռեստարտ Գյումրի» ՀԿ-ի կողմից, ինչպես նաև լավագույն հոդվածները կհրապարակվեն «Ռեստարտ Գյումրի» ՀԿ-ի պաշտոնական կայքէջում՝ rgnews.am-ում և սոցիալական մեդիա հարթակներում։

Մրցույթի պայմաններ | ինչպես դիմել՝

Տեքստի տառաչափ՝ 12,

Առնվազն ծավալը` երկու էջ (ընդհանուր ծավալը՝ անսահմանափակ),

Հոդվածները պետք է լինեն word տարբերակով,

Հոդվածները պետք է ուղարկել «Ռեստարտ Գյումրի» ՀԿ-ի մրցույթների պատասխանատուի (Անուշիկ Հովսեփյան) էլեկտրոնային հասցեին՝ anushikhovsepyan.restartgyumri@gmail.com թեմա բաժնում նշելով՝ Հոդվածների մրցույթ.

Հոդվածը ուղարկելիս էլեկտրոնային նամակում նշել՝ անուն ազգանուն, հեռախոսահամար, ֆեյսբուքյան էջի հղում։

Դիմելու վերջնաժամկետը՝ #սեպտեմբերի 5

Դե՜ ինչ, բաց մի՜ թող քո ձայնը լսելի դարձնելու այս հիանալի հնարավորությունը և շտապի՛ր ուղարկել հոդվածդ։

Վերոնշյալ չափորոշիչներին չհամապատասխանող հայտերը չեն դիտարկվելու։