«Ռեստարտ Գյումրի» երիտասարդական-քաղաքացիական կենտրոնը հայտարարում է վիդեոհոլովակների մրցույթ

«Ռեստարտ Գյումրի» երիտասարդական-քաղաքացիական կենտրոնը հայտարարում է կարճամետրաժ վիդեոհոլովակների մրցույթ։

Ովքե՞ր կարող են մասնակցել։

Մրցույթը բաց է 16-30 տարեկան բոլոր երիտասարդների համար, ովքեր հետաքրքրված են սոցիալական, կրթական, երիտասարդական և այլ արդիական ու հանրային թեմաներով։

Հատուկ խրախուսվում է մարզաբնակ երիտասարդների մասնակցությունը։

Թեմաների շրջանակ՝

Երիտասարդական ակտիվիզմ,

Կրթական համակարգի խնդիրները և դրանց հնարավոր լուծումները,

Երիտասարդների դերը հանրային կյանքում,

Երիտասարդների մասնակցությունը որոշումների կայացման գործընթացներին,

Քաղաքականություն և երիտասարդների կապ,

Մշակութային/արվեստային ակտիվիզմ,

Ժողովրդավարության վիճակը ՀՀ-ում և տարածաշրջանում,

Մարդու իրավունքներ՝ հայաստանյան համատեքստում և այլն։

Թեմաների շրջանակը չի սահմանափակվում վերոնշված թեմաներով, դուք կարող եք ձեր նախընտրած հարակից թեմայով պատրաստել և ներկայացնել հոլովակ մրցույթին։

Մրցույթը նպատակ ունի՝

Խթանել երիտասարդների քաղաքացիական և սոցիալական ներգրավվածությունը արվեստի միջոցով,

Ստեղծել հարթակ, որտեղ երիտասարդները կարող են ազատ արտահայտել իրենց կարծիքներն ու մտահոգությունները հասարակական խնդիրների շուրջ,

Զարգացնել ստեղծագործական մտածողությունն ու ինքնարտահայտման կարողությունները,

Լսելի դարձնել մարզաբնակ երիտասարդների ձայնը։

Ինչպես մասնակցել․

Մրցույթին մասնակցելու համար անհրաժեշտ է․

Պատրաստել 2-15 րոպե տևողությամբ կարճամետրաժ վիդեոհոլովակ (ֆորմատը՝ MP4),

Ապահովել բավարար որակ տեսապատկերի և ձայնի համար,

Ներկայացնել մոնտաժված, ամբողջական աշխատանք,

Կցել տեքստային նկարագրություն, որտեղ ներկայացված կլինի տեսանյութի բովանդակությունը, ստեղծագործական մոտեցումը և ուղերձը,

Օգտագործել հայերեն լեզու կամ հայերեն ենթագրեր։

Տեխնիկական չափանիշներ՝

Տևողություն՝ 2-15 րոպե,

Լեզու՝ հայերեն (կամ հայերեն ենթագրեր),

Ֆորմատ՝ MP4,

Որակ՝ բավարար դիտարժանության համար,

Աշխատանքը պետք է լինի մոնտաժված և ամբողջական։

Տեսանյութերը չպետք է պարունակեն․

Բռնություն,

Ֆաշիզմ,

Ատելության խոսք,

Խտրականություն կամ դրա խթանում։

ՈՒՇԱԴՐՈՒԹՅՈՒՆ․ Ժամկետից ուշ ուղարկված աշխատանքները չեն դիտարկվի։

Հոլովակների ուղարկման կարգը՝

Աշխատանքները պետք է ուղարկվեն հետևյալ էլ. հասցեին՝ rg.ngo.restartlab@gmail.com,

թեմա (subject) դաշտում նշել՝ «Վիդեոհոլովակների մրցույթ»։

Մրցանակներ՝

Ընտրված աշխատանքների հեղինակները կստանան երկլեզու հավաստագրեր (հայերեն և անգլերեն) և նվերներ։

Դիմելու վերջնաժամկետ՝ օգոստոսի 31։

Բոլոր հարցերի և առաջարկությունների դեպքում խնդրում ենք կապ հաստատել մեզ հետ ստորև բերված կոնտակտային տվյալներով՝ +374 95718191, +374 77395677