Իտալիան և Եվրոպական միությունը՝ Հայաստանի հետ համատեղում են ջանքերը նոր կորոնավիրուսային համավարակի դեմ պայքարում

Իտալիան և Եվրոպական միությունը՝ Հայաստանի հետ համատեղում են ջանքերը նոր կորոնավիրուսային համավարակի դեմ պայքարում։
Եվրահանձնաժողովի մարդասիրական օգնության և քաղաքացիական պաշտպանության գլխավոր վարչության ԵՄ քաղաքացիական պաշտպանության մեխանիզմի աջակցությամբ՝ Իտալիայից Հայաստան է ժամանել 11 բժիշկ-մասնագետներից բաղկացած բժշկական թիմը:
Բժշկական թիմն ունի շտապօգնության բժիշկներ, անեսթեզիոլոգներ, վարակիչ հիվանդությունների մասնագետներ և վիրաբույժներ։ Վարակի դեմ պայքարում՝ թիմը կաշխատի հայ գործընկերների հետ 3 շաբաթ:
Հայաստանում ԵՄ դեսպան Անդրեա Վիկտորինը, Հայաստանում Իտալիայի դեսպան Վինչենցո Դել Մոնակոն, ՀՀ Արտաքին գործերի նախարարի տեղակալ Ավետ Ադոնցը, ՀՀ Առողջապահության նախարարի առաջին տեղակալ Անահիտ Ավանեսյանը և ՀՀ Ազգային ժողովի պատգամավոր Մարիա Կարապետյանը օդանավակայանում դիմավորեցին և հաջողություն մաղթեցին՝ բժշկական խնամքի առավել կարիք ունեցող անձնաց օգնելու դժվար և անգնահատելի մարդասիրական առաքելության մեջ։

Բժիշկ-մասնագետների տեղափոխումը Հայաստան համակարգվում և համաֆինանսավորվում է ԵՄ-ի կողմից։ ԵՄ-ն և իր անդամ պետությունները ևս մեկ անգամ ապացուցում են, որ համերաշխություն ասվածը չի կարող լինել զուտ խոսք: Նրանք շարունակում են դրսևորել համերաշխություն, և համատեղելով ջանքերը որպես «Team Europe», աջակցել իրենց գործընկեր Հայաստանին, քանի որ միասին մենք ուժեղ ենք: