ՀՈԴՎԱԾՆԵՐԻ ՄՐՑՈՒՅԹ 2026

✍️ «Ռեստարտ Գյումրի» երիտասարդական-քաղաքացիական կենտրոն ՀԿ-ն հայտարարում է Հոդվածների մրցույթ՝ հրավիրելով ՀՀ-ում բնակվող 16-30 տարեկան երիտասարդներին ներկայացնելու իրենց վերլուծական և հետազոտական հոդվածները։

Մրցույթին կարող են մասնակցել ինչպես հոդվածագրության մեջ առաջին քայլերն անող երիտասարդները, ուսանողները, այնպես էլ և երիտասարդ լրագրողները։ 

Մեզ հետաքրքրում են ոչ միայն լայնորեն քննարկվող թեմաները, այլև այն կարևոր, սակայն հաճախ անտեսված խնդիրներն ու հարցերը, որոնց բարձրաձայնումը կարող է նպաստել մեր երկրում հանրային-երիտասարդական շրջանակներում քննարկման որակի բարձրացմանն ու դրական փոփոխությունների խթանմանը։

🎯 Ի՞նչ ենք փնտրում․

Մրցույթի շրջանակներում ներկայացվող հոդվածները պետք է՝

🔹անդրադառնան հասարակական նշանակություն ունեցող արդիական խնդիրների,

🔹հիմնված լինեն փաստերի, տվյալների, վստահելի աղբյուրների և մասնագիտական վերլուծության վրա,

🔹ունենան հստակ ձևակերպված խնդիր կամ հարցադրում,

🔹ներկայացնեն հեղինակի ինքնուրույն տեսակետն ու վերլուծությունը,

լինեն փաստարկված և տրամաբանված,

🔹ցուցադրեն ստեղծագործական և նորարարական մոտեցում,

🔹պահպանեն լրագրողական էթիկայի, հեղինակային իրավունքի և ՀՀ օրենսդրությամբ սահմանված պահանջները։

💡 Հնարավոր թեմաների շրջանակ․

Հուշում. հոդվածները կարող են անդրադառնալ՝ (սակայն չսահմանափակվել) հետևյալ թեմաներին․

💡 Ունե՞ս քո թեման․

☑️ Երիտասարդների քաղաքական և քաղաքացիական մասնակցությունը Հայաստանում․ ի՞նչն է խանգարում ավելի ակտիվ ներգրավվածությանը։
☑️ Երևան քաղաքի խնդիրները։ Ռեսուրսների գերկենտրոնացման հետևանքները։
☑️ Երևանի և ՀՀ մարզերի, մարզային համայքների անհամաչափ զարգացման բացասական հետևանքները ՀՀ ներկայի և ապագայի համար։
☑️ Գյումրի քաղաքի չլուծվող խնդիրները։ Ի՞նչ անել։
☑️ Ներքին միգրացիա դեպի Երևան քաղաք։ Դատարկվող մարզերը և այս կոնտեքստում առկա մարտահրավերները։

☑️ Հայաստանի ժողովրդավարական զարգացման ներկայիս մարտահրավերները։ 

☑️ Հայաստանի եվրոպական ինտեգրման ընթացքը․ հնարավորություններ և մարտահրավերներ։

☑️ Երիտասարդների դերը Հայաստանի եվրոպական ներկայի և ապագայի ձևավորման գործում։

☑️ Արհեստական բանականության զարգացումն ու ընդհանուր կրթության ոլորտի տրանսֆորմացիան. հնարավորություն, թե՞ մարտահրավեր։

☑️ Սոցիալական ցանցերը և երիտասարդները․ ինչպե՞ս է թվային միջավայրը փոխում մեր մտածելակերպն ու վարքագիծը։ 

☑️ Ապատեղեկատվության ու տեղեկատվական մանիպուլյացիաների բացասական ազդեցությունը ՀՀ ներքին կյանքի վրա։

☑️ Մեդիագրագիտությունը, որպես ժամանակակից քաղաքացու անհրաժեշտ հմտություն։

☑️ Երիտասարդների արտագաղթը Հայաստանից․ պատճառներ, հետևանքներ և հնարավոր լուծումներ։

☑️Կրթություն և աշխատաշուկա․ արդյո՞ք Հայաստանի բուհական համակարգը համապատասխանում է ժամանակակից աշխատաշուկայի պահանջներին։

☑️ Տեղական ինքնակառավարում և երիտասարդների մասնակցություն․ ինչպե՞ս կարող են երիտասարդները ազդել իրենց համայնքի որոշումների կայացման վրա։ Ինչո՞ւ է դա կարևոր։

☑️ Հայաստանի մարզերի զարգացումը․ ինչպե՞ս ստեղծել իրական հնարավորություններ երիտասարդների համար մարզերում։

☑️Մշակույթը և ժամանակակից արվեստը որպես հասարակական փոփոխությունների գործիք։

☑️ Հարավային Կովկասի փոփոխվող իրականությունը և Հայաստանի հնարավորությունները։ Խաղաղության և անվտանգության հարցերը։
☑️ Հայաստան -Թուրքիա կարգավորման գործընթացի ներկա ընթացքը։
☑️ Հայաստան-Ադրբեջան խաղաղության հնարավորություններն ու առկա մարտահրավերները։

Եթե կարծում ես, որ կա կարևոր, արդիական, բայց բավարար չափով չքննարկվող թեմա/խնդիր, ներկայացրու հենց այդ թեմայով հոդվածը և մեր Ժյուրին անպյաման կդիտարկի այն։

📌 Մասնակցության պայմանները․

✔️ Մասնակցության տարիքային շեմը՝ 16-30 տարեկան։

✔️ Հոդվածը պետք է ներկայացվի հայերեն լեզվով։

✔️ Հոդվածը պետք է լինի ինքնուրույն հեղինակային աշխատանք։

✔️ Հոդվածում օգտագործված վիճակագրական տվյալները, մեջբերումները և այլ տեղեկատվությունը պետք է ունենան համապատասխան աղբյուրներ։

✔️ Հոդվածը պետք է համապատասխանի լրագրողական էթիկայի և հեղինակային իրավունքի սկզբունքներին։

✔️ Խրախուսվում են հետազոտական, վերլուծական և ինքնատիպ մոտեցմամբ աշխատանքները։

✔️ Չի խրախուսվում արհեստական բանականությամբ գեներացված բովանդակության ներկայացումը։ 

📄 Տեխնիկական պահանջներ․

✔️ Տառատեսակ՝ Sylfaen 12,

✔️ Ծավալը՝ առնվազն 1,5 էջ (ընդհանուր ծավալը՝ անսահմանափակ),

✔️ Հոդվածը ներկայացնել Word (.doc/.docx) ձևաչափով։

✔️ Հոդվածները պետք է ուղարկել էլ․ հասցեին՝  rg.ngo.restartlab@gmail.com թեմա բաժնում նշելով՝  «Հոդվածների մրցույթ 2026  և Անուն Ազգանուն»

✔️ Հոդվածի ֆայլն ուղարկելիս պետք է ուղեկցող նամակում նշել նաև՝ կրաճ ինքնակենսագրություն, հեռախոսահամար, ֆեյսբուքի կամ այլ սոցցանցից քո էջի հղումը։

📌 Վերոնշյալ չափորոշիչներին և պահանջներին չհամապատասխանող հայտերը չեն դիտարկվելու։

🏆 Մրցույթի ժյուրիի գնահատման արդյունքում լավագույն հոդվածների հեղինակները կստանան երկլեզու պաշտոնական հավաստագրեր և նվերներ «Ռեստարտ Գյումրի» ԵՔԿ ՀԿ-ի կողմից։

✅Լավագույն հոդվածները կհրապարակվեն «Ռեստարտ Գյումրի» ԵՔԿ ՀԿ-ի կայքում և սոցիալական մեդիայի հարթակներում՝ հնարավորություն տալով հեղինակներին իրենց աշխատանքը ներկայացնել ավելի լայն լսարանի։

⏰ Դիմելու վերջնաժամկետը՝ սեպտեմբերի 20

📞 Հարցերի դեպքում կարող եք զանգահարել՝ +374 95 718191, կամ կապ հաստատել մեզ հետ սոցիալական ցանցերի մեր էջերին նամակ ուղարկելու միջոցով։