Կորոնավիրուսով հիվանդ ծայրահեղ ծանր 233 պացիենտ կա

Ապրիլի 30-ի դրությամբ կորոնավիրուսից ստացիոնար բուժվում է 2294 քաղաքացի։ Այդ մասին հայտնել է առողջապահության փոխնախարար Գևորգ Սիմոնյանը` ներկայացնելով առողջապահական համակարգի կորոնավիրուսային հիվանդությամբ ծանրաբեռնվածության համառոտ պատկերը։

Նա նշել է, որ նրանցից ծանր վիճակում են 962-ը, ծայրահեղ ծանր` 233-ը, թոքերի արհեստական օդափոխման սարքերին միացված է 76 պացիենտ։

ՀՀ առողջապահության նախարարության աջակցությամբ ստացիոնար բուժօգնության ավարտից հետո մոտ 30 քաղաքացու տրամադրվել է թթվածնային խտացուցիչ, որի շնորհիվ վերջիններս անհրաժեշտ բուժօգնությունը շարունակում են ստանալ տանը:

«Փաստեմ, որ կորոնավիրուսային հիվանդության ստացիոնար բուժօգնության ավարտից հետո քաղաքացիները հաճախ ստիպված են լինում անցնել երկարատև վերականգնման շրջան»,-ասվում է գրառման մեջ։