Համաձայն նոր օրենքի ուսանողը իրավունք ունի ստանալ ....

Համաձայն նոր օրենքի ուսանողը իրավունք ունի ստանալ կրթաթոշակ, ուսանողական նպաստ կամ այլ ձևով ֆինանսական աջակցություն։
Պետության կողմից տրամադրվող կրթաթոշակ կարող են ստանալ միայն լրիվ բեռնվածությամբ սովորող ուսանողները: Ուսումնառությունը մասնակի բեռնվածությամբ շարունակելու դեպքում ուսանողը զրկվում է պետության կողմից կրթաթոշակ ստանալու հնարավորությունից: Պետության կողմից տրամադրվող կրթաթոշակը ուսանողը ստանում է եթե լրիվ ուսումնական բեռնվածությունը կրեդիտային գումարի 100%-ը, տարեկան լրիվ ուսումնական բեռնվածության կրեդիտների գումարային թիվը 100 տոկոս է։
Ուսանողին ուսման վարձի փոխհատուցումը նպաստի ձևով կլինի է երկու ձևով առաջին պետական կրթաթոշակով, որը տրվելու է ուսանողին՝ բարձր առաջադիմության և ուսումնական հաջողությունների համար, երկրորդ ուսանողական նպաստը տրվելու է սոցիալական խոցելի խմբերին՝ անկախ նրա կրթական ցուցանիշներից, իսկ ուսանողական ուսուցման հետ կապված այլ ծախսերի կամ ակադեմիական և հետազոտական ձեռքբերումների համար ֆինանսական աջակցություն տրվում է լավագույն ուսանողներին։ Պետական կրթաթոշակի ենթակա կրթական ծրագրերի դիմորդների փոխհատուցումը կատարվելու է մրցույթի մասնակիցների առավելագույն միավորների հիման վրա։ Գերակա է ճանաչվում դիմորդի գիտելիքը, որին տրվելու է հնարավորություն ընտրելու իր բուհը և ֆինանսավորումն ուղղել ամենաբարձր միավորներ ստացած ուսանողին։

Ավելին նա կարող է ծանոթանալ բուհի կանոնադրության եւ այլ իրավական ակտերին, ստանալ ակադեմիական արձակուրդ մինչեւ մեկ տարի ժամկետով։ Բուհը ազատ է որոշելու որոշակի կրթական ծրագրով իր ընդունելության և ավարտի ժամկետները։ Կրթական ծրագրերը կարող են լինել լրիվ և մասնակի բեռնվածությամբ։ Սա հնարավորություն կտա ուսանողներին կրթությանը զուգահեռ աշխատել, զբաղվել գիտական հետազոտություններով, իրենց փորձը բերել կրթության ոլորտ։

Ուսանողը կարող է տվյալ ուսումնական տարվա ընթացքում ոչ պակաս, քան երկու անգամ, գտնվելու արձակուրդում։ Ուսանողին հնարավորություն է ընձեռնվում տեղափոխվել մեկ այլ բուհ նույնիսկ օտարերկրյա բուհ սովորելու կամ այլ կրթական ծրագրերին մասնակցելու համար, նաև նա կարող է ստանալ բարոյական կամ նյութական խրախուսանք բուհի կողմից։ Այսուհետ ուսանողը կարող է մասնակցել բուհի կառավարման մարմինների աշխատանքներին։ Բուհը ուսանողին չի կարող հեռացնել երբ նա գտնվում ակադեմիական արձակուրդում։
Ուսանողն իրավունք ունի բողոքարկելու բուհի ղեկավարության հրամաններն ու կարգադրությունները:
Ուսանողական խորհուրդը իր բնույթով ուսանողական ինքնակառավարման ընտրովի ներկայացուցչական մարմին է։ Նա իր գործունեությունն իրականացնում է կամավորության սկզբունքով։ Խորհրդի պարտականությունն է կազմակերպել ուսանողական գիտաժողովներ սեմինարների եւ գիտահետազոտական այլ ուղղվածություն ունեցող միջոցառումներ, նպաստել գիտական ծրագրերում ուսանողների ընդգրկվածությանը, խրախուսել ու սատարել ուսանողներին հետազոտական աշխատանքներում և աջակցել դրանց հրապարակմանը։ Ուսանողական խորհրդի ֆինանսավորման չափը սահմանում է բուհի կառավարման խորհուրդը, բայց չպետք է գերազանցի ուսանողների ուսման վարձերից գոյացած բյուջեի առնվազն 0.2 տոկոսի չափը։

Նյութը պատրաստեց Միքայել Փամբուխչյանը