Ընտրվեցի ՀՀ ամենամեծ մարզային համալսարանի՝ ՇՊՀ-ի Ուսանողական Խորհրդի Նախագահ․ Գևորգ Ղուկասյան

Ընտրվեցի ՀՀ ամենամեծ մարզային համալսարանի՝ ՇՊՀ-ի Ուսանողական Խորհրդի Նախագահ։
Սիրելի՛ ուսանողներ, ընկերներ, բարեկամներ —
Ցանկանում եմ շնորհակալություն հայտնել մեր տաղանդավոր ուսանողներին, ովքեր հավատացին արդարությանը և վերականգնեցին այն երկարատև և անկոտրում պայքարով։
Ուզում եմ շնորհակալություն հայտնել բոլոր այն մարդկանց, ովքեր մեր կողքին էին այս ընթացքում՝ արդարության և ճշմարտության համար մղվող պայքարում։
Ուզում եմ առանձին մեծ շնորհակալություն հայտնել «Ռեստարտ Գյումրի» և «Ռեստարտ» նախաձեռնությունների իմ ընկերներին, այս ճանապարհը միասին անցնելու, ազնվության և ընկերության համար։
Ամեն ինչ նոր է սկսվում։
Ճշմարտությունն ու արդարությունը միշտ հաղթում են։ Միշտ!
Իմ գործունեության ընթացքում, որպես ՇՊՀ-ի ՈՒԽ Նախագահ, արվելու է ամեն ինչ հանուն Ուսանողական խորհուրդ ինստիտուտի կայացման և համալսարանում ուսանողական կյանքի ակտիվացման, համալսարանում ակադեմիական մթնոլորտի առողջացման, ուսանողների քաղաքացիական գիտակցության և պատասխանատվության բարձրացման, ժողովրդավարական արժքերների, սկզբունքերի տարածման ու պահպանության համար։ Չի՛ հանդուրժվելու սուտը, չի՛ հանդուրժվելու կեղծիքը:

ՇՊՀ-ում իրականացվելու են արագ և ռեալ ռեֆորմներ։
Պարզ ճակատով և բարձր լեգիտիմությամբ
Հայտարարում եմ, որ մեզ համար չկան ավտորիտետներ, իդեալներ և կուռքեր․ մենք անկաշկանդ ենք և անկախ, ազնիվ և անտարակույս սա է մեր հաղթանակի ամենագլխավոր գրավականը։ ՇՊՀ-ի ՈւԽ֊ն այսօր Հայաստանում գործող ամենալեգիտիմ ուսանողական ինքնավար կառույցն է։
Շնորհակալ եմ վստահության համար !!!
Ջերմորեն շնորհավորում եմ գործընկերոջս Իյոլանտա Խաչատրյանին ՇՊՀ ՈՒԽ Փոխնախագահ ընտրվելու կապակցությամբ և մաղթում եմ արդյունավետ ու կայուն համագործակցություն։

Մոտ օրերս ամենայն մանրամասնությամբ կանդրադառնամ ՇՊՀ Ուսանողական խորհրդի և ՇՊՀ ուսանողության առաջիկա անելիքներին և գործունեությանը՝ ներկայացնելով իմ գործունեության աշխատանքային պլանը։
Մոտ օրերս նաև իմ կողմից կլինեն նշանակումներ համապատասխան ՇՊՀ ՈՒԽ Կանոնադրության դրույթների /ՈՒԽ քարտուղար, ֆակուլտետային նախագահներ և այլն/, ինչպես նաև առաջիկայում կհայտարարվի ՇՊՀ ՀԽ և ՇՊՀ ԳԽ ուսանողական ներկայացուցիչների ընտրությունների մասին, որոնց վերաբերյալ ևս հանդես կգամ առանձին հայտարարությամբ։

Հարգանքով և լավագույն մաղթանքներով՝

Շիրակի Պետական Համալսարանի

Ուսանողական Խորհրդի Նախագահ

Գևորգ Ղուկասյան