Այս պատերազմի սկզբից մինչ օրս քաղաքական ու ռազմական ղեկավարությունը հանրությանը ապահովում էին պատշաճ և անհրաժեշտ տեղեկատվությամբ. Արթուր Սակունց

«Այս պատերազմի սկզբից մինչ օրս քաղաքական ու ռազմական ղեկավարությունը, ներկայացուցիչները հանրությանը ապահովում էին պատշաճ, ժամանակին և անհրաժեշտ տեղեկատվությամբ, որն անչափ, նույնիսկ անպատկերացնելի կարևոր է հանրային վստահության մթնոլորտի և գործողությունների, որոշումների բովանդակային ընկալման համար։

Այսօր, երևի նկատեցինք, որ կային որոշ ուշացումներ, տարբեր գերատեսչությունների կողմից տեղեկությունների ներկայացման ժամանակային որոշ խզվածություն, գուցե չսինխրոնացված տեղեկությունների չսինխրոնացված ներկայացում։Պարզ է, որ սա ակնհայտորեն պայմանավորված է այս արդեն իննը օրերի ընթացքում անպատկերացնելի լարվածության, պատասխանատու աշխատանքի ապահովման հետևանքով կուտակված հոգնածությամբ։ Սա ուղղակի զուտ հանրային ընկալման առումով։

Ամեն ինչ էլ կշտկվի, և անկասկած կլուծվի իհարկե այս խնդիրը, շարունակելով պահպանել տեղակատվական այդ շատ նուրբ նյարդային կապը հասարակության հետ, ինչպես եղել է մինչ այժմ։Իսկ թե ով ինչպես “օգտվեց” կամ “փորձեց օգտվել” այս փաստից, նույնիսկ անդրադառնալու ոչ իմաստը կա, ոչ անհրաժեշտությունը, ոչ էլ արժե ժամանակ ու էներգիա վատնել արդեն պատմությամբ արխիվացածների վրա»։