Ժողովրդավարություն տերմինը, կարծես հետևում է ինձ, դպրոցական դասագրքերում հանդիպող բառը ու անընդհատ հեռուստացույցով դրա հետ կապված բանավեճերն էլ ստիպեցին ինձ, հետաքրքրվել այս բարդածանցավոր բառի իմաստով փորձել հասկանալ բառի բուն էությունն ու նշանակությունը:
Գիտելիքը արժևորվում է ու դառնում գիտելիք, երբ դրա մասին պատկերացումները խորքային են ու ստացված գիտելիքն էլ՝ կիրառելի: Արդյունքում ի՞նչ է ժողովրդվարությունը , ինչու՞ է այն ինձ պետք և ի՞նչ է այն ինձ համար:
Ժողովրդավարությունը հասարակության քաղաքական կազմակերպման ձև է հիմնված ժողովրդի՝ որպես պետական իշխանության միակ աղբյուրի ճանաչման , ինչպես նաև իրավունքի ու սահմանադրության գերակայության, քաղաքական բազմակարծության վրա:
Այսինքն ժողովրդավարությունը հասարակության գերիշխանությունն է պետության վրա: Իսկ հասարակությունն էլ մենք ենք, այն ժողովուրդը, որ ապրում է տվյալ պետությունում: Ժողովրդավարության դրսևորումններն էլ անկախ, թափանցիկ, արդար ընտրություններն են, այստեղ էլ առաջանում է մասնակցային ժողովրդավարությունը : Եթե պարզեցնում ենք սահմանումը ստացվում է, որ ժողովրդավարությունը սահմանադրությամբ և օրենքներով սահմանված նորմերի ամբողջություն է: Բայց ժողովրդվարությունը չի գործի, եթե հասարակական գիտակցությունը ժողովրդավար չի , ուստի ժողովրդավարություը ինձ համար արժեք է, որի կայացման ու իրագործման համար գաղափարական մարտեր ու պայքար է սպասվում:
Ինչու՞ է կարևոր ժողովրդավարությունը. Ժողովրդավարական հասարակություններում քաղաքացիներն ունեն քաղաքական հավասարություն, խոսքը միայն քվեարկության մասին չէ, հասարակության յուրաքանչյուր անդամ կարող է ազատ արտահայտվել, բանավիճել, խոսել իրեն անհանգստացնող երևույթների մասին: Ժողովրդավար հասարակությունում պաշտպանված են մարդու հիմնարար իրավունքները, անկողմնակալ են դատավորներն ու օրենքի առաջ պատասխանատու են բոլորը:
Որքան էլ որ իդեալական են պատկերացումները ժողովրդավարության մասին, այդքան էլ ցավալի ու անհետևողական են են շատ երևույթներ, որոնք խանգարում են ունենալ կատարյալ պետություն և կատարյալ հասարակություն, կամ մոտենալ դրանց:
Մի մարդ ցանկանում է ժողովրդավարություն հաստատել իր երկրում : Մարդիկ նրան ասացին՝ սկզբից ժողովրդավարություն հաստատիր քո տանը:
Ժողովրդավարությունը մտածելակերպ է, ժողովրդավարության կարելի է հանգել միայն հասարակական լայն շերտերի օգնությամբ և ցանկությամբ:
Ժողովրդավարությունը ապրելակերպ է ինձ համար:
Էսսեն գրվել է Ռեստարտ ճամբար2-ի մասնակից Արուս Աբրոյանի կողմից:
More Stories
«Վիզուալիզացնելով կոռուպցիան» գրքույկ
«Վիդեոհոլովակների մրցույթ»-ի ամփոփում
Ժամանակակից արվեստագետները ՀՀ-ում և աշխարհում