ՀՀ կրթագիտական, երիտասարդական երեք կազմակերպությունների հայտարարությունը ուղղված ԵԱՀԿ Մինսկի խմբի համանախագահ երկրների դեսպաններին․

Հայաստանի Հանրապետության կրթագիտական, երիտասարդական երեք կազմակերպությունների հայտարարությունը ուղղված ԵԱՀԿ Մինսկի խմբի համանախագահ երկրների դեսպաններին․Գյումրի, 16.02.2021Ձերդ Գերազանցություն մեծարգո դեսպան,2020 թ․ սեպտեմբերի 27-ին Թուրքիայի աջակցությամբ և վարձկան ահաբեկիչների ներգրավմամբ Ադրբեջանը սանձազերծեց հերթական պատերազմը Արցախի Հանրապետության (Լեռնային Ղարաբաղ) դեմ։ Թեև ակտիվ ռազմական գործողությունները դադարեցվեցին 2020թ. նոյեմբերի 9-ին` Հայաստանի, Ադրբեջանի և Ռուսաստանի կողմից զինադադարի մասին եռակողմ հայտարարության ստորագրումից հետո, արցախյան հակամարտությունը ամբողջովին դեռ չի կարգավորվել․ սահմանային իրավիճակը շարունակում է մնալ լարված, Ադրբեջանը խախտում է զինադադարի բազմաթիվ կետեր, իսկ Բաքուն շարունակում է իր ագրեսիվ հռետորաբանությունը։ Մասնավորապես, զինադադարի եռակողմ հայտարարության ստորագրումից հետո Ադրբեջանը, խախտելով ստորագրված հայտարարության մի քանի կետեր, շարունակելով Արցախից նոր տարածքների օկուպացման գործողությունները, գրավեց Խծաբերդ և Հին Թաղեր գյուղերը՝ գերեվարելով շփման գծում կանգնած 62 հայ զինվորականների։Ինչպես նաև, եռակողմ հայտարարության ստորագրումից հետո Գորիս-Լաչին-Ստեփանակերտ ավտոճանապարհին, որի վերահսկողությունը պետք է ստանձնեին ռուս խաղաղապահները, Ադրբեջանի զինված ուժերի կողմից գերեվարվել են խաղաղ հայ բնակիչներ։Ադրբեջանը հրաժարվում է վերադարձնել մոտ երկու հարյուր ազգությամբ հայ ռազմագերիների, որոնց թվում են խաղաղ բնակիչներ` ներառյալ կանայք։ Ադրբեջանի բանտերում պահվող տասնյակ հայ ռազմագերիները զրկված են իրենց բնական իրավունքներից, ամբողջովին ոտնահարվում են վերջիններիս միջազգային կոնվենցիաներով երաշխավորվող կյանքի, կրթության, ազատ տեղաշարժի և այլ իրավունքները։ Ադրբեջանի ավտորիտար իշխանությունները հայտարարում են, որ նրանք ռազմագերիներ չեն, այլ դիվերսանտներ են և պետք է դատվեն Ադրբեջանի օրենքներով։ Մինչդեռ, Հայաստանը հայտարարությունից մի քանի օր հետո ամբողջությամբ կատարել է բոլոր ռազմագերիներին վերադարձնելու իր պարտավորությունները։Ձերդ Գերազանցություն մեծարգո դեսպան,Խնդրում և ակնկալում ենք Ձեր և Ձեր երկրի անմիջական աջակցությունը գերիների՝ հնարավորինս արագ և անվնաս վերադարձի գործում։ Խնդրում ենք ձեռնարկել ձեր լիազորությունների և հնարավորությունների սահմաններում քայլեր` մարդասիրական այս կարևոր առաքելության իրագործման նպատակով։

Խորհին շնորհակալություն

Հարգանքով՝«Ռեստարտ Գյումրի» նախաձեռնությունների կենտրոն ՔՀԶ ՀԿ «Ռեստարտ» գիտակրթական բարեգործական հիմնադրամ /

Restart Foundation for Science and Education«Ռեստարտ Իջևան» hասարակական կազմակերպություն /

Restart Ijevan Scientific-Educational NGO———————————————————————————

Նամակը Ֆրանսիայի Հանրապետության դեսպանինhttps://cutt.ly/Lk3il7p Նամակը Ռուսաստանի Դաշնության դեսպանին https://cutt.ly/Vk3igMl Նամակը Ամերիկայի Միացյալ Նահանգների դեսպանին https://cutt.ly/wk3iuMy