Կառավարությունը պատերազմի առաջին օրից մտածել է զինծառայողներին աջակցություն տրամադրելու մասին, այժմ բյուջեի մասով որևէ խնդիր չկա, քանի որ աջակցության համար վերանայվել է բյուջեի բաշխվածությունը, հայտարարել է աշխատանքի և սոցիալական հարցերի նախարար Զարուհի Բաթոյանը, փոխանցում է Panorama.am-ը։
«Հիմա մշակման փուլում է սոցիալ-հոգեբանական, վերականգնողական ծրագրի նախագիծը՝ պատերազմում վիրավորված անձանց համար, որը կրկին միջգերատեսչական համագործակցությամբ պետք է քննարկվի։ Դրա նպատակն է ոչ միայն կարճաժամկետ, այլ նաև երկարաժամկետ աջակցման միջոցառումներ իրականացնել՝ տարբեր, այդ թվում՝ վերականգնողական ծրագրերի մասով»,- ասել է Բաթոյանը։
2021 թվականի պետական բյուջեի նախագծի քննարկման ժամանակ նախարարը նշել է, որ հնարավոր է հաշմանդամություն ունեցողներին աջակցելու համար բյուջեի վերանայման անհրաժեշտություն լինի։
Նախարարը հայտնել է, որ 2021 թվականի բյուջեով միջոցներ են հատկացվելու, օրինակ, զինծառայողների պրոթեզավորման համար։
PanARMENIAN.Net
More Stories
ՈՒՍՈՒՄՆԱՍԻՐՈՒԹՅՈՒՆ. «ՀՀ ՄԱՐԶԱՅԻՆ ԵՐԻՏԱՍԱՐԴՈՒԹՅԱՆ ՔԱՂԱՔԱԿԱՆ ՄԱՍՆԱԿՑՈՒԹՅԱՆ ՑԱԾՐ ՄԱԿԱՐԴԱԿԻ ՊԱՏՃԱՌՆԵՐԸ»
ՀՈԴՎԱԾՆԵՐԻ ՄՐՑՈՒՅԹ 2026
Երիտասարդների մասնակցությունը համայնքային կյանքում. ինչպես գաղափարը վերածել փոփոխության