Հիանալի հնարավորություն Հայաստանի Հոդվածագիր երիտասարդների և ուսանողների համար․

«Ռեստարտ Գյումրի» երիտասարդական-քաղաքացիական կենտրոն ՀԿ-ն հայտարարում է հոդվածների մրցույթ։

Հոդվածների մրցույթին կարող են դիմել՝ 16-30 տարեկան բոլոր այն երիտասարդները (նաև փորձառու լրագրողները), ովքեր հետաքրքրված են հոդվածագրությամբ, հանրային հնչեղություն և կարևորություն ունեցող, ինչպես նաև կարևոր, բայց անտեսված թեմաների, մարտահրավերների ու խնդիրների ուսումնասիրման և բարձրաձայնման հարցերով։ 

Մրցույթի չափանիշներն են՝ 

• Հոդվածները պետք է լինեն հայերեն,
• Ներկայացվող հոդվածներում պետք է պահպանված լինեն լրագրողական էթիկայի, հեղինակային իրավունքի և ՀՀ օրենսդրական ակտերով նախատեսված այլ իրավական պահանջները,
• Հոդվածները պետք է պարունակեն մասնագիտական վերլուծություն,
• Պետք է լինեն փաստարկված,
• Պետք է ունենան ստեղծագործական և նորարարական մոտեցում,
• Պետք է միտված լինեն՝  կրթական, մշակութային, երիտասարդական, ՏԻՄ, հասարակական և տարածաշրջանային ու արտաքին քաղաքական ոլորտներում առկա խնդիրների, անուշադրության մատնված հարցերի ուսումնասիրմանն ու բարձրաձայնմանը։

Հոդվածները պետք է լինեն (բայց չսահմանափակվեն) հետևյալ թեմաների շրջանակներում՝

• Քաղաքացիական հասարակության կազմակերպությունները Հայաստանում․ Արդյո՞ք ՀՀ-ում քաղհասարակությունը պառակտված է,
• 2023-2024 Հայսատանի ներքաքաղաքական իրավիճակի  հիմնախնդիրները,
• Միգրացիան և դրա սոցիալ-տնտեսական ազդեցությունը Հայաստանի վրա,
• Ժողովրդվավարության մասով ՀՀ-ում իրականացվող ռեֆորմները,

• Երուսաղեմի Հին քաղաքի Հայակական թաղամասի ճակատագիրը,
• Ինչ ճանապարհ պետք է անցնի Հայաստանը Եվրոմիության անդամի թեկանծու  դառնալու համար,
• Արդյո՞ք ԵՄ-ն ճիշտ ընտրություն է Հայաստանի համար,
• Հարավային Կովկասի եվրոպական ապագան, առկա իրավիճակի վերլուծություն,
• Ակադեմիական քաղաքի հեռանկարները ՀՀ-ում բարձրագույն կրթության որակի բարձրացման և արդիականացման տեսանկյունից,
• ՀՀ բարձրագույն կրթության համակարգի կատարելագործումը որպես պետության զարգացման հիմնական գործոն,
• Երիտասարդների օրակարգը ներկայիս Հայաստանում,
• Հայաստանի երիտասարդության զբաղվածության և գործազրկության ընդհանուր պատկերը,
• Հայաստանի ու տարածաշրջանի մյուս երկու երկրների երիտասարդության շրջանում արդյո՞ք գոյություն ունի մշակութային և աշխարհաքաղաքական ճեղքվածք,
• Երիտասարդների մասնակցությունը Հայաստանում որոշումների կայացման գործընթացներում,
• Ժամանակակից արվեստագետները ՀՀ-ում և աշխարհում,
• Թեմա, որը, ըստ Ձեզ, կարևոր է և արժե բարձրաձայնել։

Լավագույն հոդվածների հեղինակները կստանան երկլեզու հավաստագրեր և նվերներ «Ռեստարտ Գյումրի» ՀԿ-ի կողմից, ինչպես նաև լավագույն հոդվածները կհրապարակվեն «Ռեստարտ Գյումրի» ՀԿ-ի պաշտոնական կայքէջում՝ rgnews.am-ում և սոցիալական մեդիա հարթակներում։

Մրցույթին դիմելու ձևաչափը՝

• Տեքստի տառաչափ՝ 12, Calibri 
• Առնվազն ծավալը` 1,5 էջ (ընդհանուր ծավալը՝ անսահմանափակ),
• Հոդվածները պետք է լինեն word տարբերակով։

• Հոդվածները պետք է ուղարկել էլ․ հասցեին՝ hmkrtchyan.restartgyumringo@gmail.com թեմա բաժնում նշելով՝ «Հոդվածների մրցույթ և Անուն Ազգանուն»
• Հոդվածը ուղարկելիս պետք է նաև ուղեկցող նամակում նշել՝ հեռախոսահամար, ֆեյսբուքի կամ այլ սոցցանցի էջի հղում։

Վերոնշյալ չափորոշիչներին չհամապատասխանող հայտերը չեն դիտարկվելու։

Մրցույթին դիմելու վերջնաժամկետը՝ օգոստոսի 31։

Հարցերի դեպքում կարող եք զանգահարել հետևյալ հեռախոսահամարին՝ +37495718191 կամ նամակ գրել մեզ՝ նշված էլ հացեին կամ մեր սոցցանցերին։

Դե՜ ինչ, բաց մի՜ թող քո ձայնը լսելի դարձնելու այս հիանալի հնարավորությունը և շտապի՛ր ուղարկել հոդվածդ։